Forex Trading waa xirfad ganacsi oo barasho iyo in waqti la geliyo u baahan, qofkii bartana uu ka dhigan karo il dhaqaale oo uu lacag ka samayn karo. Hase ahaatee fursaddaan waxaa ku hareeraysan khatar badan oo keeni karta in aad lacagtaada ku khasaartid. Haddaba inta aadan go’aan qaadan waa muhiim in aad ogaatid halista maaliyadeed ee kaaga imaan karta in aad suuqaan soo gashid, deedna aad ka fiirsatid lacagta aad ku maalgashanaysid iyo in aad raadisid cilmi iyo khibrad kugu filan inta aadan bilaabin.

Haku bilaabin suuqaan lacag aadan adigu lahayn, sidoo kale iska ilaali in aad suuqaan lasoo gashid lacag aadan ka maarmi Karin, sababtoo ah sida aad faaido u raadinaysid si le’eg ayay khasaarana kuugu imaan kartaa. Ogowna faaidada aad shalay samaysay kuuma balanqaadayso in aad beri mar kale faaido samayn doontid waana sababta ay muhiim u tahay in aad mar walba taxadar muujisid.

Macluumaadka aad muuqaalkaan ka dheehanaysid ujeedkiisu waa in aad heshid aqoon iyo warbixin kugu filan oo la xiriirta suuqaan, ee marna ma ahan la talin dhaqaale, haddii aad doonaysid in aad maalgashi samaysid la xiriir dadka xirfadda u leh in ay ku siiyaan talooyin maalgashi iyo dhaqaale ku saabsan.

Muuqaalada barteena lasoo galiyo ujeedkoodu waa in aan ku tuso waxyaalaha suuqaan ka suurtagalka ah, haddiise aad doonaysid in aad suuqaan qayb ka noqotid waa in aad baratid aqoonta halkaan ku jirta deedna aad kuna celcelisid cilimgii aad muuqaaladaan ka heshay, si aad adiga oo diyaar ah keligaa suuqa u gashid, sababtoo ah guushaada iyo khasaarahaaga labadaba adiga keliya ayaa ka masuul ah.